想皮膚狀態有明顯改善，大家可以從日常生活嘅小習慣入手。今次同大家分享下飲食嘅小貼士，咁就更易保持肌膚脹卜卜啦！
Tips 1：多飲暖水
飲水飲水飲水！重要嘅嘢講三次！
每人每日嘅飲水量都不同，一般人可以根據以下嘅方程式去計算每日飲水量：
每日建議飲用量 = 體重（kg）X 30（毫升ml）÷ 250（毫升ml）
同時都建議大家喺起床後飲兩杯暖水，除咗可以保濕外，仲可以有排毒功效添！所以大家記得多飲水啦！
Tips 2：多食含有豐富β－胡蘿蔔素，維他命C嘅新鮮蔬果
β-胡蘿蔔素
喺人體吸收後會轉化成維他命A，而維他命A具有抗氧化功能，可以幫助皮膚抗衰老，減少皺紋生成。同時仲可以保護皮膚黏膜，阻止外來細菌同病毒入侵，增強免疫系統。
維他命C
幫助合成膠原蛋白，增加皮膚彈性和緊緻度，可以阻止黑色素生成。
下面係一啲新鮮蔬果嘅建議：
🥝水果：奇異果、士多啤梨、橙、柑
🥕蔬菜：蘿蔔、南瓜、西蘭花、蘆薈
*溫馨提示：要減肥嘅話記得留意水果熱量啊！
Tips 3：少食過鹹辛辣食物
過鹹同辛辣嘅食物好容易令身體發炎敏感，令皮膚乾癢泛紅。
所以盡量食得清淡啲，冬天打邊爐要盡量選擇清淡嘅湯底啊！
要Keep住皮膚Q彈脹卜卜又緊緻，除了外敷之外，飲食習慣都好重要㗎！
希望以上脹卜卜小貼士幫到大家啦！
#uniqueus #uniquetips #養生 # #護膚分享 #補濕 #補水 #改善細紋 #護膚品