【瘦身小貼士:簡易運動篇】

如果大家間唔時有便秘問題,不妨試下做以下簡單小運動!千祈唔好靠食藥啊!



1. 轉腰


針對腹部肌肉嘅運動,有助促進腸道蠕動同消化液分泌。


做法︰

先站立,上半身保持挺直,雙腳分開並保持同盆骨一樣闊,然後膝蓋微曲稍稍蹲下,然後向左邊扭腰。

完成後,再往右邊扭腰。注意幅度要盡量大,速度不用太快。


建議早晚各做一次,每次轉動30至50下,早上空腹狀態下進行效果更好。


2. 凌空踩「踩單車」


呢個運動可以促進腸道蠕動,仲可以鍛煉核心肌肉群,增加排便時所需要嘅肌肉力量。


做法︰

先平躺喺地下,雙腿抬離地面,再輪流屈伸出兩雙腿,好似踩單車咁,成個動作雙腿要盡量保持凌空。屈伸幅度愈大愈好,進行時成個腹部會有收緊嘅感覺。

期間要注意腰椎貼近地下嘅弧度唔可以太大,否則會令腰椎受壓易受傷。大家可以墊一條薄毛巾喺腰下以減輕壓力。


建議早晚各做一次,每次可做5至10分鐘。


3. 抱膝動作


呢個係一個排氣式動作,有效改善便祕,及幫助排出便秘所造成嘅多餘氣體。


做法︰

身體平躺喺地下,將雙腳抱起,然後將頭抬起,塊臉向膝蓋靠近。

維持住呢個姿勢3至5個呼吸,然後再返回平躺姿勢。


4. 快步走


快步走唔單止可以消耗卡路里,可以減肥之外,仲可以促進腸道蠕動,幫助排便。

建議大家食飯後半小時到戶外快步走至少30分鐘,或者散步都可以!



其實只要每日抽少少時間做一啲簡易小運動,再配合健康飲食,攝取足夠嘅纖維同水份,就可以大大改善便秘問題。大家不妨試吓啦!


#uniqueus #uniquetips #減肥運動 #瘦身運動 #瘦身塑型 #排毒瘦身 #排毒 #瘦身 #減肥 #便秘運動 #便秘