【排毒瘦身小貼士:日常習慣篇】

除咗飲食方面之外,稍為改變一下日常生活習慣都可以達到瘦身減肥效果㗎!

以下喺一啲小貼士分享俾大家,一於慢慢培養好習慣啦!



習慣1:飲多啲水


人體內有70%水份,水份充足先可以確保身體機能正常運作,例如協助身體進行新陳代謝,幫助腸道蠕動,排除宿便及其他體內毒素!


以下係一啲飲水嘅小建議︰


- 朝早起身後空腹飲一杯水,同時可以加入少量蜂蜜或鹽,能夠潤滑腸道,加強腸道蠕動,令排便時更暢順。

- 飯前飲一杯水,可以減輕饑餓感,減少食物攝取量,幫助瘦身。

- 飲水時應該逐少逐少飲,而唔係狂灌,細細啖飲先可以令細胞充分吸收水份,紓緩口渴感覺。如果大大啖飲,就只會加快排尿速度,飲幾多都無用!


習慣2:飯後散步


大家食飽飯之後,千祈唔好剩係坐喺到唔郁啊,咁樣容易壓迫腸胃,造成腸胃不適。

飯後散步可以促進腸道蠕動,亦都有助紓壓,對消化有益。大家可以喺飯後先休息10分鐘,然後到戶外散步大概10至30分鐘就可以啦。

仲有一個小祕訣,就係一邊散步一邊順時針方向輕按腹部,更有效幫助消化㗎!


習慣3:拉筋


透過拉筋,加強伸展特定部位肌肉,可以舒緩繃緊嘅肌肉,幫助塑出均稱嘅身體線條,促進脂肪燃燒,更可以幫助消除壓力。

建議大家可以做由日本名醫佐藤萬成提出嘅「背部拉筋減肥法」!

我哋嘅背部佈滿咗可以燃燒脂肪嘅「褐色脂肪細胞」, 只要活化呢啲細胞,就可以刺激分泌大量分解脂肪嘅生長激素,進而促進脂肪燃燒,達到瘦身功效。


習慣4:食慢啲


相信平日大家太肚餓時會忍唔住狼吞虎嚥,不知不覺5分鐘就食完餐飯!

但其實咁樣對腸胃負擔好大之餘,仲會好易變肥㗎!原因係食得太快,消化系統會跟唔上,大腦就唔可以釋放出身體已經夠飽嘅訊號,於是就越吃越多,令身體變得易肥!


而腦部係需要約20分鐘來識別飽足感訊號,所以建議大家食飯時間最少有20分鐘。同時每餐食7至8分飽就可以啦,避免腸道不適。


大家今日開始養成以上好習慣,一齊輕輕鬆鬆減肥啦!


#uniqueus #uniquetips #日常好習慣 #減肥習慣 #瘦身 #減肥 #塑形 #拉筋 #排毒 #瘦身產品 #減肥方法